Ish-kryeministri Sali Berisha thotë se objektivi kryesor i opozitës është përmbysja e monizmit dhe ndëshkimi i vjedhjeve.
Berisha u pyet nëse ka një këshillë tjetër për Lulzim Bashën i cili nuk ishte i pranishëm pasditen e djeshme në protestë.
Ish-kryeministri tha se rasti i protestës ishte i veçantë pasi nuk donte që të prishej protesta.
Berisha: Tubimi i misionarëve dje, dëshmoi se ku ndodhet PD me veten e saj. Ishte një përgjigje, PD ishte në protestë. Ka individë që preferojnë të çojnë dolli me Edi Ramën apo të mbajnë flamurin e pseudoopozitës, është gjë tjetër. Siç e shpreha, largimi i Edi Ramës nga pushteti është objektivi më imediat i këtij revolucioni. Pa diskutim që krijimi i një klime për zgjedhje të lira, është objektiv madhor i kësaj partie. Themelore është përmbysja e monizmit, është ndëshkimi i vjedhjeve të tmerrshme dhe mbulimi që i bën SPAK-u dhe Prokuroria.
Çdo ditë marrim të dhëna për mekanizmat se si mbyllen aferat e Erion Veliajt, Edi Ramës, Arben Ahmetajt dhe ministrave të tjerë. A e morët vesh, në Butrint del djali i xhaxhait të Damianit. Me 30 mln euro del Thanasi i Damianit. Rastësira janë këto? Janë përdorim për plaçkitje. Këta duhet të ikin. PD nuk njeh formë tjetër pushteti përveç votës së lirë.
Pyetje: Basha ndoqi këshillën tuaj dje dhe nuk erdhi në protestë. Keni ndonjë këshillë tjetër për Bashën?
Berisha: Ishte një rast i veçantë ai. Nuk do më pëlqente askush të anatemohej ose të ndodhte ndonjë gjë. Pse të më prishte lajmin ai mua.
g.kosovari
