Kompozitori i njohur Flamur Shehu, ndodhet në gjendje të rëndë shëndetësore si pasojë e infektimit me Covid-19. Bëhet me dije se kompozitori 77-vjeçar, gjendet nën kujdes intensiv në QSUT.
Mësohet se gjendja e tij është përkeqësuar ndjeshëm kohët e fundit.
Autor i më se 500 këngëve dhe babai i dj Sardit ndodhet në terapi intensive në QSUT nën kujdesin e bluzave të bardha.
Fitues i çmimeve të para dhe të dyta në festivale, kompozitori Shehu mban titullin “Mjeshtër i Madh” për kontribut të shquar në fushën e muzikës e këngës së lehtë shqiptare dhe studimin e folklorit.
Kush është kompozitori Flamur Shehu
Flamur Shehu mban titullin “Mjeshtër i Madh” për kontribut të shquar në fushën e muzikës e këngës së lehtë shqiptare dhe studimin e folklorit. Ai është autor këngësh shumë i njohur. Flamur Shehu u lind në Tiranë më 28.11.1944 është një ndër kompozitorët më të njohur në gjithë trevat shqiptare.
Në arkivin e tij numëron mbi 500 këngë, një shifër shumë domethënëse. Ka dy çmime të para (një në Festivalet e RTSH, dhe një në Koncertet e Pranverës) dhe 17 çmime të para dhe të dyta të shtrira në kohë.
Flamur Shehu është babai i Dj të njohur Sardi./m.j
