Fetie Kasaj, inspektorja e skuadrës ‘Shqiponja’ në Drejtorinë e Policisë së Vlorës, ka dhënë dorëheqjen. Gazetari Elton Qyno raporton se Kasa ka vendosur të largohet nga institucioni i rendit duke paraqitur dorëheqjen pranë Drejtorisë së Policisë ku ka shërbyer për disa vite me radhë.
Dorëheqja e rekordmenes për femra e peshëngritjes Shqiptare, është miratuar. Ish-nën/kampionia e Botës dhe nën/kampione Evropë në shtangë, Fetia Kasaj, shërbente pranë skuadrës “Shqiponja” në Vlorë.
Fetie Kasaj mësohet se ka qënë e përfshirë në një ngjarje në datën 23 shkurt 2023. Disa personazhe, të njohur si kontigjent kriminal, nuk i janë bindur urdhrit të “Shqiponjave” duke çarë rrethimin, e tyre dhe janë larguar.
Pas kësaj situate, disa ditë më vonë nga ndodhja e kësaj situate, Fetie Kasaj, ka paraqitur dorëheqjen duke u larguar nga radhët e Policisë së Shtetit.
