Dy të rinj shqiptarë kanë rënë në prangat e policisë italiane në Rozzano, ku u kapën me 800 mijë euro me vete.
Arrestimi i dy shqiptarëve, 29 e 19 vjeç, është bërë që të enjten, por njoftimi u dha ditën e sotmet. Ata ishin gjurmuar nga agjentët në kuadrin e një hetimi anti-drogë dhe u vunë re teksa dilnin nga një apartament në Rozzano.
Zona survejohej për shkak se dyshohej si bazë logjistike e një bande të trafikut të drogës.
Pasi kanë udhëtuar rreth 150 metra, të rinjtë kanë mbërritur në një parking përpara disa dyqaneve ku i priste një makinë. Njëri nga të dy u afrua, mori një tufë parash dhe u kthye në pallat. Tjetri që ishte me të, me një çantë palestre, qëndroi në parking edhe për dhjetë minuta të tjera, raporton noa.al duke cituar Aksa.
Më pas, policia antidrogë vendosi të bllokonte të riun, pasi në çantën e shpinës gjetën një numër të madh parash.
Gjatë kontrollit, nuk ia dolën të justifikonin origjinën e parave, të cilat, sipas agjentëve, mund të jenë pagesë për ndonjë ngarkesë droge që ka kaluar dorë pas dore, ose ndoshta ata mund të jenë ‘llogaritarët’ që merren me mbledhjen dhe shpërndarjen e parave për llogari të bandës.
/a.r
