Presidenti Ilir Meta ka komentuar akuzat e ngritura për krime lufte ndaj ish-homologut Hashim Thaçi dhe zyrtarëve të tjerë të Ushtrisë Çlirimtare të Kosovës. I ftuar në emisionin “Opinion”, Meta tregoi se pak kohë më parë kishte darkuar me Thaçin në shtëpinë e tij, dhe u shpreh se ky i fundit ishte shprehur i qetë dhe i gatshëm për të përballuar gjithçka.
PJESË NGA INTERVISTA:
Keni pasur dijeni për akuzat?
Meta: Jo nuk kemi pasur informacion zyrtar por një situatë e tillë ishte e pritshme, edhe pse kishim shpresë që aktakuza mos të konfirmohej nga Gjykata. Nuk ka ndodhur asnjë herë më parë, por nuk ka qënë diçka e papritur. Serbia ka furnizuar me dokumenta në rrugë zyrtare… Ka ndodhur me Haradinajn dhe Limajn.
E prek strukturën e UÇK-së?
Meta: I gjithë qëllimi është dëmtimi i luftës së Kosovës, por zhbërjen e shtetit të Kosovës. Është sponsorizim i fuqishëm e Shqipërisë. Nuk kemi të bëjmë me akuza personale. Kemi të bëjmë me akuza politike. Ishte e vështirë të mendohej se Thaçi të mbetej jashtë këtyre akuzave të inskenuara.
Keni biseduar me Thaçin në këto kohë?
Meta: Ne kemi biseduar, ishim për një drekë të gjatë në shtëpinë time. Bashkë me zotin Pacolli dhe kolegë të tjerë. Ka qënë i ndërgjegjshëm por edhe shumë i qetë. Sjellja e tij ka qënë e përgjegjshme dhe dinjitoze.
g.kosovari
