Një i ri u arrestua nga policia e Tiranës, pasi u kap me drogë dhe gjatë kontrollit në banesë qëlloi me grusht punonjësen e policisë.
Policia e TIranës njofton se në pranga u vu shtetasi “M.A, 23 vjeç, banues në Tiranë, i dënuar më parë”
“Arrestimi i këtij shtetasi u bë pasi në rrugën “Njazi Frakulla‘’, gjatë një kontrolli i’u gjet një sasi lëndë e dyshuar narkotike Cannabis Sattiva, ku më pas gjatë kontrollit të ushtruar në banesën e tij, ky shtetas ka kundërshtuar me dhunë dhe ka goditur me grusht punonjësen e Patrullës së Përgjithshme, të Komisariatit të Policisë Nr.1, shtetasen A. M”- njofton policia.
Sipas saj, në cilësinë e provës materiale u sekuestrua: 14.6 gramë lëndë e dyshuar narkotike e llojit Cannabis Sattiva.
Materialet proceduriale i’u kaluan Prokurorisë pranë Gjykatës së Shkallës së Parë Tiranë për veprat penale “Prodhimi dhe shitja e narkotikëve” dhe “Kundërshtimi i punonjësit të policisë së rendit publik”, parashikuara nga Nenet 283 dhe 236/2 të Kodit Penal
c.a
