I ftohti ka përfshirë disa vende të Ballkanit, ndërsa në Serbi ka shkaktuar vdekjen e parë. Televizioni shtetëror serb raportoi se trupi i pajetë i një 50-vjeçari është gjetur në borë të hënën në një fshat verior.
Në Bosnje, shkollat janë mbyllur në komunat Konjiç dhe Jabllanicë, ndërsa kamionët dhe automjetet e tjera të rënda janë ndaluar të qarkullojnë. Dhjetëra shkolla janë mbyllur për dy ditë edhe në Rumani.
Autoritetet thanë se dy migrantë kanë pësuar ngrirje të rëndë, pasi kanë kaluar një ditë jashtë në një zonë të mbuluar me borë, gjatë përpjekjeve për të arritur në Kroaci.
/REL/a.rada
