Plot 85 plumba kallashnikovi, nga tre armë të ndryshme të cilat kanë krijuar një situatë lufte në zonën e Niklës, janë qëlluar mbi banesën e objektivit të atentatit, Mariglen Haka dhe sërisht autorët e sulmit nuk kanë mundur të çojnë deri në fund porosinë e marë përsipër. Goditja me qëllim eleminimin fizik të Hakës ka qënë e mirëorganizuar dhe autorët e krimit kanë qënë të pozicionuar në dy drejtime, duke krijuar dy vatra zjari kundër objektivit të tyre Mariglen Haka. Deri në këto momente policia dhe prokuroria e Krujës, dyshon se vrasësit mund të jenë me pagesë, dhe se nuk përjashtohet mundësia me bashkëpunimin e personave që banojnë në zonë, të cilët e njohin mirë terrenin. Prokurorisë dhe policisë së Krujës tashmë i duhet një punë intensive për të zbuluar skenarin e këtij atentati dhe arrestimin e autorëve të këtij krimi që i mori jetën hallës së Mariglen Hakës, shtetases Shpresa Basha. Haka dhe Basha janë gjendur përballë tre grykave zjarri, ku autorët e këtij krimi të rëndë të ndodhur në derë të shtëpisë kanë lëshuar plot 85 plumba kallashnikovi.
Mësohet se objektivi i këtij atentati kishte vetëm dy muaj që kishte dalë nga burgu. Sipas hetimeve të kryera nga policia dhe prokuroria e Krujës, një ditë para atentatit Haka, ishte vënë në dijeni për lëvizjen e disa personave të dyshimtë rreth banesës së tij. Dhe këtë informacion ai e ka marë në telefon nga një shoku i tij në Nikël, i cili i ka pohuar se “…disa njerëz të panjohur ndodhen pranë banesës dhe më pas janë larguar në drejtim të bregut të lumit…”. Në kohën kur e ka marë këtë informacion, pra në mbrëmjen e 20 shtatorit 2019, Haka ndodhej në një lokal në Fushë-Krujë, nën shoqërinë e disa shokëve të tij. Ai ka shkuar pranë banesës dhe më pas në bregun e lumit, pasi shtëpia e tij në Nikël ndodhet pranë lumit, dhe aty kanë konstatuar disa gjurmë njeriu të dyshimta, por pa mundur të fiksojnë siluetën e ndonjë personi tjetër. Kjo ditë ka kaluar pa shqetësim për Mariglen Hakën, deri në orët e vona të natës, kur sërisht ai është vënë në dijeni se persona të dyshimtë janë shfaqur para banesës së tij në Nikël. Këtë informacion të dytë për lëvizjet e dyshimta Haka e ka marë kur ndodhej në shtëpi, nën shoqërinë e familjarëve të tij, dhe hallës së tij Shpresa Basha.
Sipas burimeve informacioni tek Mariglen Haka, ka shkuar nga djali i xhaxhait të Hakës, i cili gjatë rrugës, kur po shkonte tek banesa e kushërit të tij, ka parë siluetën e disa personave që ndodheshin pranë shtëpisë së Hakës, dhe mandej janë larguar në drejtim të bregut të lumit. Haka, djali i xhaxhait të tij dhe halla e tyre Shpresa Basha, të shqetësuar nga prezenca e këtyre personave të panjohur në orët e vona të natës, kanë dalë nga banesa në rrugë për të parë situatën se çfarë po ndodhte. Djali i xhaxhait të Hakës, është larguar për të kontrolluar në drejtim të bregut të lumit, ndërsa Haka dhe halla e tij kanë dalë në pragun e shtëpisë,dhe kanë qëndruar për të parë lëvizjet rreth e qark shtëpisë. Por pikërisht në këtë moment janë dëgjuar breshëritë e automatikut, ku Mareglen Haka dhe halla e tij Shpresa Basha, janë qëlluar me 85 plumba, ku Basha ka mbetur e vdekur në vend ndërsa, ndërsa Mariglen Haka është plagosur rëndë.
Grupi i hetimit që është ngritur për këtë ngjarje beson se goditja është kryer nga dy drejtime dhe me tre armë të ndryshme. Vetë objektivi i këtij krimi, ka rezultuar se nuk ka pasur armë me vete, dhe në banesë nuk ka pasur armati. Sipas burimeve 85 plumba janë qëlluar nga autorët e krimit, ku për identifikimin e tyre janë kryer një sërë kontrollesh banesash dhe shoqëruar shumë persona. Por sërisht deri në këtë fazë hetimet nuk kanë sjellë asnjë rezultat. Pas ngjarjes autorët janë larguar. Nisur nga dinamika e këtij krimi të rëndë, burimet thanë se autorët dyshohet të jenë banorë të zonës, për shkak se edhe mjeti me të cilin janë larguar prej andej ka kaluar në rrugën dytësore të fshatit Zezë të Fushë Krujës.
Ndërsa Mariglen Haka është çuar me urgjencë në spitalin e Traumës në Tiranë nga vëllai i Durim Bamit, Valter Bami. Ky i fundit ka qënë bashkë i pandehur me Hakën në një çështje penale nga prokuroria e Krujës, ku Mariglen Haka është dënuar në muajin prill 2019 në gjykatë me 1.6 vite burg, nga 2.6 vite heqje lirie që kishte kërkuar prokurori i çështjes. Ndërkohë 2 vjet burgim gjykata ka dhënë për Lutfi Hakën, duke e konvertuar këtë masë me kusht në shërbim prove, 1.5 vite burgim për Ylli Cangun, 15 muaj burgim për Skënder Lazen dhe 1 vit burgim për Valter Bamin, vëllain e Durim Bamit. Këta persona akuzohen për Mbajtjes pa lejë të municioneve luftarake” dhe “Prodhim dhe shitje të lëndëve narkotike”. Mariglen Haka nuk është një emër i panjohur për Policinë pasi në 13 qershor 2011 është shoqëruar si i dyshuari kryesor për vrasjen e biznesmenit të kromit Nadien Zeneli, në zonën e Bllokut. Haka u tha në atë kohë se kishte vrarë biznesmenin pasi dyshonte se ai ishte i përfshirë në vrasjen e vëllait të tij, Roland Haka, në vitin 2004./report tv
g.kosovari
