Ajo që ishte thjesht një frikë e autoriteteve ligjzbatuese tashmë mund të cilësohet si fakt. Me mbërritjen e klandestinëve nga Siria dhe vendet e tjera të Lindjes së Mesme dhe Afrikës Veriore, në Shqipëri futen edhe perona të cilët kanë qenë pjesë e grupeve terroriste në Siri.
Ditët e fundit policia ka ndaluar një person nga Siria i cili ishte pjesë grupimeve ndërluftuese të listuara si terroriste. Nuk jepen informacione se me cilin grup ishte i lidhur ky person.
Ai ishte pjesë e një grupi me 16 klandestinë që kaluan nga Kapshtica drejt vendi tonë para dy ditësh. Synimi i tyre ishte kalimi në vendet e Bashkimit Evropian por pasi u kapën nga policia u transferuan në qendrën e azilkërkuesve në Babrru.
Ndëkorhë, personi i dyshuar si i luidhur me terroristët u veçua nga grupi. Ai pritet të dalë para Gjykatës së Krimeve të Rënda për masë sigurie.
Informacionet për këtë shtetas u dhanë nga Shërbimi Informativ Shtetëror. Pritet edhe shkëmbimi i informacioneve me vendet aleate për të mësuar më shumë rreth të kaluarës së këtij personi i dentiteti i të cilit mbahet sekret.
Raportohet se në të shkuarën kanë hyrë edhe shtetas të tjerë të dyshuar si të lidhur me terroristët, por ata janë dorëzuar te vendet partnere./a.m.
