I Dërguari Special i BE-së për dialogun Kosovë-Serbi, Miroslav Lajçak, ka thënë se agresioni rus ka krijuar një urgjencë të re për të vepruar në Ukrainë dhe në Ballkanin Perëndimor.
Nga Forumi Ekonomik Delphi në Greqi, Lajçak ka thënë se “gjithmonë e kemi ditur që e ardhmja e Ballkanit Perëndimor është Evropa”.Ai tha se momenti për ta realizuar është tani.
“Gjithmonë e kemi ditur se e ardhmja e Ballkanit Perëndimor është Evropa. Agresioni rus në Ukrainë ka krijuar një urgjencë të re për të vepruar, si për Ukrainën ashtu edhe për Ballkanin Perëndimor. Çfarë na duhet tani, është që këtë momentum ta kthejmë në rezultat të prekshëm”, ka shkruar Lajçak në Twitter.
Agresioni rus në Ukrainë e ka ndryshuar rrënjësisht konceptin dhe veprimet për përshpejtimin e proceseve integruese në BE dhe NATO.
