Nuk kishte si të ndodhte ndryshe. Edhe përfaqësuesi special i presidentit të SHBA-ve Donald Trump për luftën kundër organizatës terroriste DEASH, Brett McGurk ka dhënë dorëheqje nga detyra e tij, transmeton Anadolu Agency .
Sipas lajmeve në median amerikane mësohet se përfaqësuesi special për luftën kundër DEASH-it, McGurk ka dhënë dorëheqje nga detyra e tij që është e lidhur me Departamentin Amerikan të Shtetit.Thuhet se McGurk gjatë një takimi të mbajtur pak kohë më parë në Departamentin Amerikan të Shtetit ka thënë se “Do të jetë i palogjikshëm largimi nga Siria”.
Po ashtu bëhet e ditur se përfaqësuesi special i ka dorëzuar letrën e dorëheqjes Sekretarit amerikan të Shtetit, Mike Pompeo me arsyetimin se “nuk e pranon vendimin e Trumpit për t’u tërhequr nga Siria”.
Në letrën e tij duke pretenduar se DEASH-i ende është aktiv në rajon dhe organizata terroriste nuk është mposhtur ende plotësisht, McGurk, ka mbrojtur idenë e tij se vendimi për tërheqje mund t’i sigurojë organizatës hapësirë për t’u përhapur sërish.
McGurk, u emërua si përfaqësues special për luftën kundër DEASH-it nga ish presidenti amerikan Barack Obama. Me deklaratat e bëra dhe me fotografitë që ka pozuar me komandantët e YPG/PKK-së ai herë pas here ka shkaktuar reagime në Turqi.(Tema)
