Është zbuluar fotoja e njërit prej anëtarëve të bandës së hajdutëve në Tiranë, që u godit mbrëmjen e kaluar nga policia. Personi që shihni në foto është i arrestuari Hektor Qiriazi, i cili njihej edhe me emrin Dorian.
Qiriazi është një emër i njohur për drejtësinë, pasi është me precedentë penalë. Dyshohet që Hektor Qiriazi është dënuar me burgim të përjetshëm në Greqi.Ndërkohë, autoritetet po shkëmbejnë informacione me homologët grekë për rastin në fjalë. Qiriazi, së bashku me katër të arrestuar të tjerë, vidhnin vila në zonën e Liqenit të Thatë, në Tiranë. Një ditë më parë, ata ishin futur në një vilë, në pronësi të një gruaje, ku kishin marrë një shumë të konsiderueshme parash.
Së bashku me Hektor Qiriazi, i cili është dënuar në Greqi me burg përjetë, janë arrestuar edhe 4 persona të tjerë, ku 3 prej tyre janë Devjs Dosti, Redian Bega, Klodian Çupi.
Të 5 personat janë arrestuar mbrëmjen e djeshme sapo kishin vjedhur një tjetër vilë në zonën e Liqenit të Thatë. Gjatë kontrollit ata u kapën me rreth 20 mijë euro janë vjedhura në vilë dhe një sasi lënde narkotike me vete.
Fokus i aktivitetit të tyre kriminal për vjedhjen e vilave ka qenë zona e Liqenit të Thatë dhe Saukut.
g.kosovari
