Rusia prej kohësh tashmë është duke u përballur me mungesë të personelit ushtarak për ti dërguan në front në Ukrainë.
Njihen lëvizjet e Moskës në dërgimin e të burgosurve në luftë me anë të një marrëveshjeje për lirimin e tyre apo kontraktimi i ushtarëve me pagesë, por një skandal i ri është zbuluar.
Zambia i ka kërkuar Rusisë të shpjegojë se si një nga shtetasit e saj që ishte duke vuajtur një dënim me burg në Moskë përfundoi në fushën e betejës në Ukrainë ku edhe humbi jetën.
Lajmi u bë i ditur nga ministri i Jashtme të Zambisë, Stanley Kakubo, i cili tha në një deklaratë se Rusia kishte njoftuar Zambinë për vdekjen e një studenti 23-vjeçar në shtator, por nuk ka dhënë detaje.
“Qeveria e Zambisë u ka kërkuar autoriteteve ruse që urgjentisht të japin informacion mbi rrethanat në të cilat një shtetas zambian, që vuan dënimin me burg në Moskë, është rekrutuar për të luftuar në Ukrainë”, tha Kakubo./m.j
