32 vjeçari nga Elbasani Thanas Beko është arrestuar pasditen e sotme nga policia.
Thanas Beko është një nga personat që morën peng dhe dhunuan disa ditë më parë taksistin Andi Vyshka në Elbasan, ky i fundit i afërmi i gjyqtares së këtij qyteti Zamira Vyshka.
32 vjeçari i cilësuar dhe si i forti i Elbasanit, ëshë dënuar nga Gjyaka me masën “arrest shtëpie” disa ditë më parë pasi së bashku me shtetastin Ertis Skilja, 42 vjeç, kanë marrë peng në lokalin e këtij të fundit taksistin Vyshka, dhe pasi e kanë dhunuar për disa orë i kanë marrë dhe shumën e 2 mijë eurove.
Pavarësisht dënimit me “arrest shtëpie”, Thanas Beko nuk i është bindur urdhrit të Gjykatës dhe është arrestuar në lokalin e shokut të tij Ertis Skilja.
Kujtojmë se masa e sigurisë ‘arrest shtëpie’ për dy pengmarrësit e taksistit Andi Vyshka, Thanas Beko dhe Ertis Skilja, ka vënë në lëvizje Shefen e Operacionit Ndërkombëtar të Monitorimit për Reformën në Drejtësi, Ruiz Calavera. Në datë 10 shtator, këshilltarja e Calaveras ka pritur 4 orë në Gjykatën e Elbasanit për të marrë zyrtarisht vendimin e çështjes, të gjykuar nga Tomor Kullollu. /l.m
