Një 53-vjeçar është arrestuar nga policia e Tiranës, pasi më herët ishte dënuar me 8 vite burg.
Sipas policisë, në pranga është vënë shtetasi i identifikuar si Arben Xibri banues në Tiranë. 53-vjeçari ishte në kërkim kombëtar për “Trafikim i narkotikëve i kryer në bashkëpunim i mbetur në tentativë.
Rasti i trafikut të drogës u parandalua nga policia në vitin 2016, kur efektivët e Antidrogës në portin e Durrësit ndaluan automjetin që do të trafikohej drejt Italisë dhe brenda të cilit ndodhej sasia e lëndës narkotike. Në atë kohë u arrestua shoferi Edmond Xhaja 48-vjeç.
Por organizator i këtij trafiku dyshohet të jetë Arben Xibri, biznesmen, një person i afërt me kryetarin e Partisë Demokratike Lulzim Basha sic shihet edhe nga një foto e tij në Facebook.
Njoftimi i policisë
Kapet një shtetas në kërkim kombëtar, i dënuar me 8 vite burg për “Trafikim i narkotikëve i kryer në bashkëpunim i mbetur në tentativë”.
Sektori i Forcës së Posaçme të Operacioneve Speciale dhe Kërkimit në Drejtorinë Vendore të Policisë Tiranë, kapi shtetasin në kërkim kombëtar:
- X., 53 vjeç, banues në Tiranë.
Gjykata e Shkallës së Parë për Krimet e Rënda Tiranë e ka dënuar këtë shtetas me 8 vite burg për veprën penale “Trafikim i narkotikëve i kryer në bashkëpunim i mbetur në tentativë”, të parashikuar nga neni 283/a/2-22 i Kodit Penal.
