Një person i shpallur në kërkim, pasi rezultonte i dënuar me katër vite burg, është vënë në prangat e policisë.
Kol Rregji, 55 vjeç, banues në Mirditë, u arrestua këtë të premte nga policia e Lezhës.
Ai është dënuar me 4 vite burg nga Gjykata e Shkallës Parë Lezhë, vendim i lënë në fuqi nga Gjykata e Apelit Shkodër më 11 prill 2018, për veprën penale “Kultivim i bimëve narkotike”.
Ngjarja për të cilën akuzohet 55-vjeçari ka ndodhur në gusht të vitit 2015.
Më konkretisht në parcelën në pronësi të Rregjit, janë konstatuar të kultivuara bimë narkotike kanabis sativa.
/a.meta
