I dënuar 22 vjet për vrasje, ekstradohet nga Anglia 36-vjeçari
Interpol Tirana ka njoftuar ekstradimin nga Anglia drejt vendit tonë të shtetasit Fatjon Kapri, i dënuar me 22 vite burg për “vrasje me paramendim”. 36-vjeçari, banues në Cërrik, në vitin 2011 ka vrarë një person në Londër.
Fatjon Kapri është dënuar me 22 vjet burg për vrasje me paramendim të ndodhur në vitin 2001.
Sipas policise më datën 07.04.2001, rreth orës 22:30 në Londër, ka ndodhur vrasja e shtetasit shqiptar Y.P. Vrasja ka ndodhur si pasojë e një debati që ka patur me viktimën, ku fillimisht kanë shkëmbyr fjalë fyese me njëri-tjetrin dhe pas janë përballur fizikisht.
Pas goditjeve me grushta Fatjon Kapri ka nxjerrë thikën dhe ka goditur disa herë viktimën në trup.
Si rezultat i bashkëpunimit të Interpol Tirana me Interpol Manchester, u bë i mundur arrestimi i tij, duke u finalizuar me ekstradimin e tij drejt vendit tonë.
