Shënohet një tjetër rast i dhunimit të mjekëve. Një 32-vjeçar është arrestuar sot në Peqin, pasi nën efektin e alkoolit ka goditur për shkak të detyrës mjekun me inicialet Y. T. I arrestuari është me inicialet A.K.
Pas marrjes së njoftimit, shërbimet e Policisë Peqin kanë shkuar menjëherë në vendngjarje, ku kanë bërë kapjen dhe arrestimin e autorit.
Me ndryshimet e Kodit Penal dhuna ndaj mjekëve dënohet nga 1 deri në 5 vite burg. Materialet hetimore i kaluan Prokurorisë pranë Gjykatës së Shkallës së Parë Elbasan, për veprime të mëtejshme.
/a.r
