Kompania e Hyundai do të tërheqë nga tregu 173 mijë vetura Sonata, të prodhuara në SHBA, për shkak të një defekti potencial në drejtimin e veturës, thonë zyrtarët e sigurisë në SHBA, transmeton koha.net.
Administrata nacionale e sigurisë në trafik (NHTSA) në SHBA, thotë se veturat e prodhuara nga dhjetori i vitit 2009 e deri në tetor të 2010, mund të jetë të prekur nga një defekt, i cili mund të shkaktojë humbje të fuqisë dhe vështirësi në drejtim.
Humbja e fuqisë dhe vështirësitë në drejtimin e kësaj veture, konsiderohet se rrisin mundësinë e aksidenteve, sidomos në shpejtësi të ulët.
Ndërsa “NHTSA” thotë se nuk kanë identifikuar deri më tani asnjë aksident që ka ndodhur për këtë shkak.
