Një ngjarje e rëndë ka ndodhur mesditën e sotme.
Një fëmijë ka humbur jetën në liqenin e Farkës.
Ngjarja e rëndë ka ndodhur kur 12-vjeçari ishte futur në liqen të lahej me shokët e tij.
Kanë qenë fëmijët e tjerë që kanë lajmëruar për ngjarjen e rëndë.
Informacion paraprak i policisë
Më datë 05.06.2018, rreth orës 14:25, jemi njoftuar se tek Diga e Liqenit në Farkë, Tiranë është mbytur një fëmijë i mitur.
Paraprakisht dyshohet që fëmija i mitur i moshës rreth 12 vjeç, të ketë qënë duke luajtur së bashku me fëmijë të tjerë në zonën e liqenit dhe është mbytur aksidentalisht.
Në vendngjarje kanë shkuar shërbimet e policisë si dhe janë njoftuar Polumbarët e Reneas.
