Në Librin e Guinnessit është regjistruar edhe një tjetër rekord botëror i çuditshëm – për gomën më të shtrenjtë të veturave është emëruar goma e kompanisë “Z Tyre” e cila kushton 600 mijë dollarë.
Kur është shfaqur në treg, Bugatti Veyron përveç performancës vëmendjen e publikut të gjerë e ka tërhequr edhe me gomat shumë të shtrenjta, transmeton Koha.net. Set i gomave të kësaj hiper-veture ka kushtuar 30 mijë dollarë.
Një gomë e vetme e bërë nga kompania “Z Tyre”, nga Dubai, tejkalon koston e setit të gomave të hiper-veturës Veyron, madje 20 herë më shumë. Sa për krahasim, shumica e modeleve të Ferrarit janë më të lira sesa kjo gomë, ndërsa seti prej 4 gomave kushton më shumë se modeli më i shtrenjtë i Ferrarit – LaFerrari (1.4 milionë dollarë).
Nëse pyesim se pse kjo gomë është aq e shtrenjtë, për shembull për shkak të arit, po kemi të drejtë, transmeton Koha.net. Në fakt, gjatë prodhimit të kësaj gome me të vërtetë është përdorur ari 24-karat, por për krijuesit e kësaj gome kjo nuk është e mjaftueshme, kështu që në këtë gomë është vendosur edhe diamant. Me kombinim të tillë, kompania “Z Tyres” ka hyrë në Librin e Guinnessit zyrtarisht me titullin “Goma më e Shtrenjtë në Botë”.
Edhe pse goma “Z Tyres” e artë ndoshta nuk ka karakteristika më të mira se gomat shumë më të lira të tilla si, për shembull, Pirelli P Zero ose Bridgestone Potenza, rekordi i Guinnessit kësaj kompanie nga Dubai do t’i shërbejë edhe si një reklamë dhe mundësi që publiku i gjerë të njoftohet më këtë brend. (b.an)
