Një zjarr i madh shpërtheu të mërkurën në mbrëmjen në Minttutie të Finlandës, si pasojë e të cilit e gjithë banesa u shkrumbua, ndërkohë që nuk ka të lënduar në njerëz.
Mediat vendase shkruajnë se një shqiptar ndihmoi një çift të moshuarish që të dilnin nga banesa, teksa hyri mes flakëve, para se të mbërrinte departamenti i zjarrfikësve.
Mergim Halili, i cili jeton në lagjen ku u dogj shtëpia, thotë se ata vunë re se nga banesa po dilte shumë tym, dhe u nisën për të parë situatën. Ndërsa flakët po shtoheshin, ata vendosën të kontrollonin nëse kishte njerëz në banesë. Halili thotë se çifti nuk ishin të vetëdijshëm për shkak të zjarritm kur ato u futën mes flakëve.
Sidoqoftë, të rinjtë ishin në gjendje ta ndihmonin çiftin nga banesa, ku zjarri, sipas Halilit, u përhap me shpejtësi.
Ai thotë se e thirri dy herë numrin e urgjencës. Në kohën që mbërritën zjarrfikësit, gjithë banorët ishin tashmë jashtë. Zjarri zgjati rreth dy orë dhe më pas u shua.
g.kosovari
