Mbrojtësi i Bayern Munichut, Mats Hummels, ka thënë se Jurgen Klopp do të kthejë formën e Liverpoolit, pas fillimit zhgënjyes të sezonit.
“Të kuqtë” kanë vetëm një fitore në shtatë ndeshjet e rundit, duke mbetur në pozitën e shtatë në Premier Ligë me shtatë pikë larg liderëve Manchester City e Manchester Unitedit.
Liverpooli pas ndeshjeve të përfaqësuesve, vazhdon kampanjën kundër Unitedit më 14 tetor dhe Hummels, i cili ka punuar me Kloppin sa ishin te Dortmundi, është i bindur se ish-trajneri i tij do të kthejë formën e ekipit.
“Po e përcjell Jurgen Kloppin sepse kemi kaluar së bashku shtatë vjet te Borussia Dortmundi”, ka thënë Hummels për Sky Sports.“Isha i lumtur me fillimin e mirë të sezonit, por tani gjërat duken të vështira për të dhe për klubin. Por ai dhe ekipi do të dalin nga kjo situatë, nuk janë keq, por nuk janë mirë ashtu siç duan të jenë”, përgatiti Koha. (b.an)
