Në vazhdën e “humbjeve katastrofike”, Moska mund të mobizliohet me forcë, në territoret e pushtuara dhe në Rusi, nga 400 mijë deri në 700 mijë rekrutë të rinj për ushtrinë e saj, tha Shtabi i Përgjithshëm i Ushtrisë së Ukrainës në një konferencë.
“Për shkak të humbjeve katastrofike të Rusisë pritet që Moska së shpejti të fillojë një mobilizim masiv të detyruar si në Rusi ashtu edhe në territoret e pushtuara nga agresori rus në Ukrainë”, tha Shtabi i Përgjithshëm i Ushtrisë së Ukrainës.
Sipas një burimi nga ushtria ukrainase, 40 mijë çeçenë do të luftojnë si ushtarë të vendosur prapa trupave me detyrën për të qëlluar mbi ata që nuk zbatojnë urdhrin për të sulmuar armikun.
“Numri i pritshëm i rekrutëve të rinj të rekrutuar nga banorët e Moskës dhe Shën Petersburgut mbetet edhe një herë minimal”, tha Shtabi i Përgjithshëm i Ukrainës.
Sipas raportit, qytetarët e rajoneve të tjera ruse do të dërgohen edhe një herë në vijat e frontit. Sipas Shtabit të Përgjithshëm të Ukrainës, ushtria e Moskës mund të “mbijetojë vetëm duke u dorëzuar vullnetarisht tek Forcat e Armatosura të Ukrainës”.
