Humbja, Tifozat Kuq e Zi: Koha e maskarenjve, atdheu i shqiptarëve!
Një ditë pas humbjes me Serbinë, “Tifozat Kuq e Zi” kanë reaguar në “Facebook” kundër mënyrës si u trajtuan në stadium.
“Kryeministri i Shqipërisë, Edi Rama, na paska falënderu për ndeshjen e mbrëmshme për sjelljen tonë. Nuk pranojmë falënderimin derisa na shtypni, na shkelni, na censuroni, na burgosni, përdhosni heronjtë kombëtarë sikur me u lujtë ndeshja në Beograd. Koha e maskarenjve, por atdheu i shqiptarëve!”, shprehet TKZ-ja.
Policia kishte marrë masa të rrepta për këtë ndeshje, duke kontrolluar hollësisht një për një të gjithë tifozët, si dhe duke u kushtuar kujdes të veçantë ndalimit në “Elbasan Arena” të simboleve të ashtuquajtura provokuese, madje duke e tejkaluar masën.
