Ndonëse kryetari i opozitës Lulzim Basha nuk e njohu verdiktin e dibranëve, duke i akuzuar këta të fundit si të shitur, të blerë dhe pa dinjitet, Partia Demokratike do të bëjë një analizë të disfatës dramatike në zgjedhjet e 11 shtatorit. Burime për gazetën Shqiptarja.com bënë me dije se, analiza do të nisë pas certifikimit të rezultatit nga KQZ, ndërsa priten edhe “prerje kokash”. Analiza do të fokusohet në dy drejtime: Ndikimin e blerjes së votave të pretenduara në rezultatin përfundimtar si dhe tek përgjegjësia individuale për humbjen e thellë, tashmë për llogari të zgjedhjeve të ardhshme parlamentare. Procesi i nxjerrjes së përgjegjësive sipas hierarkisë pritet të reflektohet në një raport, i cili do të diskutohet në organet e larta të Partisë Demokratike. Objekt i “kosës” së Lulzim Bashës do të jenë fillimisht strukturat e degës së Partisë Demokratike Dibër, por ndëshkimi mund të shtrihet deri tek disa protagonistë të fushatës së Sherefedin Shehut, të cilët mund të mos kenë një vend të sigurt në listën e kandidatëve për deputetë në zgjedhjet e 2017. Fillimisht pritet të ketë një shkrirje dhe rithemelim të degës së PD në Dibër. Kryetari i degës së PD Dibër, Rahim Kaleci është shkarkuar prej kohësh nga detyra, ndërsa në krye të strukturave për periudhën tranzitore janë Naim Gazidede, ish-kryetari i Qarkut Dibër, vëllai i Bashkim Gazidedes si dhe Ilir Krosi, ish-kryetari i Bashkisë Dibër.
Humbësit e mëdhenj
Përpos Kreshnik Spahiut, i cili la gjurmë vetëm në humbjen e tretë, të tjerët janë protagonistë i dy humbjeve të tjera në të gjithë Shqipërinë, në zgjedhjet e 2013 dhe zgjedhjet lokale të 2017. Gjatë fushatës së shkurtër për Dibrën, humbësit e mëdhenj të Partisë Demokratike pushtuan ekranet dhe rrjetet sociale për të rënë në sy të kryetarit, por pas numërimit të kutive të fundit, u fshehën. Po kujt ia besoi Lulzim Basha fushatën për Bashkinë e Dibrës? Lista nis me Edi Palokën, kryetar i grupit parlamentar i PD, drejtues i fushatës për Bashkinë e Dibrës. Paloka ishte drejtues i fushatës edhe në zgjedhjet e 2015, për Bashkinë e Tiranës. Gent Strazimirin, i deleguari i PD për Qarkun e Dibrës, ishte gjithashtu pjesë e Shtabit Elektoral të Sherefedin Shehut. Pjesë e ekipit drejtues ishin edhe Belind Këlliçi, kreu i FRPD, Kreshnik Çollaku, anëtar i Kryesisë së PD dhe Albana Vokshi, kryetare e Forumit të Gruas në Partinë Demokratike. Të lartpërmendurit kanë përgjegjësinë e tyre politike në humbjen e Sherefedin Shehut, por pesha kryesore sigurisht që bie mbi Lulzim Bashën, i cili i shpalli zgjedhjet një sfidë personale kundër Edi Ramës, nga ku do të niste edhe ndryshimi i madh.
Humbësit e tjerë
Deputeti i Partisë Demokratike, Genc Pollo ka bërë fushatë derë më derë në fshatrat dhe lagjet e Bashkisë së Dibrës, për të maksimalizuar votat për Sherefedin Shehun. Protagonist i kësaj fushate ishte edhe deputeti Flamur Noka, i cili sipas mazhorancës u përfshi edhe në një incident me armë. Dy ish-ministrat kanë kontributin e tyre në disfatën e Dibrës. Edhe kryetari i Aleancës Kuq e Zi, Kreshnik Spahi, i ktheu zgjedhjet në Dibër në sfidë kundër shumicës në pushtet. Pjesë e mozaikut të humbjes u bënë edhe Arben Ristani, Besnik Mustafaj, Gerti Bogdani, Lefter Maliqi, Aldo Bumçi etj. Po ashtu, një rreth ish-drejtorësh të Partisë Demokratike zbarkuan në Dibër për të maksimalizuar rezultatin.
Humbësit e Partisë Demokratike në Dibër
Lulzim Basha, kryetar i Partisë Demokratike
Edi Paloka, kryetar i grupit parlamentar i PD, drejtues i fushatës
Genti Strazimiri, i deleguari i PD për Qarkun e Dibrës, pjesë e ekipit drejtues
Belind Këlliçi, kreu i FRPD, pjesë e ekipit drejtues
Kreshnik Çollaku, anëtar i Kryesisë së PD, pjesë e ekipit drejtues
Albana Vokshi, kryetare e Forumit të Gruas në PD, pjesë e ekipit drejtues
Genc Pollo, deputet i PD, ish-ministër
Flamur Noka, deputet i PD, ish-ministër
Arben Ristani, deputet i PD
Besnik Mustafaj, ish-ministër dhe ish-deputet i PD
Gerti Bogdani, deputet i PD
Tahir Muhedini, deputet i bashkuar me grupin e PD
Lefter Maliqi, ish-deputet i PD
Aldo Bumçi, deputet i PD, ish-ministër
Dhurata Çupi, deputete e PD
Gjok Uldedaj ish-deputet i Shkodrës
Ramiz Çobaj ish-deputet i Shkodrës
Xhevdet Mehmeti ish-deputeti i Tropojës
Aleatët
Fatmir Mediu, kreu i Partisë Republikane
Kreshnik Spahiu, kreu i Aleancës Kuq e Zi
Nard Ndoka, kreu u Partisë Demokristiane
Artur Rioshi, kreu i Partisë Balli Kombëtar
Fatmir Hoxha, ish-përndjekur
Besim Ndregjoni, ish-përndjekur
Kujtim Gjuzi, kreu i Partisë Konservatore
Ish-drejtorët dhe këshilltarët
Arben Qirjako ish-drejtori i Hipotekave
Arben Sefgjini ish-drejtori i Përgjithshëm i Tatimeve
Gazmend Dibra ish-drejtori i Përgjithshëm i Burgjeve
Dashamir Aliko ish-kreu i Komunës së Lazaratit
Kiri Hajdari djali i deputetit të ndjerë Azem Hajdari
Avenir Peka ish-zv. ministri i brendshëm
Bardh Spahia ish-zv.ministër i shëndetësisë
Etion Kapedani ish-drejtor i Bashkisë Tiranë
Taulant Zeneli ish-drejtor i Bashkisë Tiranë
Pëllumb Seferi ish-drejtor i Bashkisë Tiranë
Leonard Olli këshilltar i djathtë në Bashkinë Tiranë
Fabian Topollaj këshilltar i djathtë në Bashkinë Tiranë
Akil Kraja këshilltar i djathtë në Bashkinë Tiranë
Mateo Spaho këshilltar i djathtë në Bashkinë Tiranë
Gent Minarolli ish-drejtori i privatizimeve
Dorian Teliti ish-drejtori i Ministrisë së Financave
Arben Ibro drejtori i financave të PD-së
Ervin Minarolli ish-drejtori i Aviacionit Civil
Ilir Dervishi ish-drejtor i Bashkisë Tiranë
shqiptarja.com/d.i.
