Fill pas mbledhjes për analizën e humbjes, Partia Demokratike ka shkrirë degën e saj në Durrës.
Lajmi bëhet i ditur nga gazeta ‚Tema‘ sipas së cilës PD ka vendosur të rikonstruktojë këtë degë dhe i pari që pritet të largohet është kryetari i saj, Osman Stafa.
Stafa cilësohet si përgjegjës për humbjen e Grida Dumës në zgjedhjet lokale. Kjo e fundit pati një humbje të thellë me një diferencë prej 14 mijë votash minus në raport me socialistin Vangjush Dako.
Mësohet se në ish-SHQUP, krerët demokratë kanë zhvilluar një takim katër orësh duke vendosur si përfundim shkrirje e degës së Durrësit.
