Këngëtari i njohur nga Peja, Gjesti, ka reaguar për herë të parë që pas vdekjes së vëllait të tij, Eldionit, në shtator të këtij vitit pasi pësoi një aksident të rëndë e motor.
Që nga ajo kohë, artisti ka qëndruar në heshtje, pa një reagim në rrjete sociale e po ashtu larg muzikës.
Në një postim në rrjetet sociale pas një kohe të gjatë, Gjesti ka falënderuar të gjithë që i kanë qëndruar pranë në këtë kohë të vështirë, ndërsa sqaron se gjatë kësaj periudhe i është dashur të merret me familjen dhe veten e tij.
“Për mua ka qenë e rëndësishme që në këtë kohë me ndejt larg rrjeteve sociale, me u marr më shumë me veten dhe familjen time. Sidoqoftë, iu kam pasur në mendje dhe zemër siç më keni pasur ju mua. Po e shfrytëzoj rastin me këtë video me ia uru Vitin e Ri të gjithëve, ishalla e keni shëndetin, lumturinë edhe familjen, se të tjerat bëhen”, është shprehur ai.
Po ashtu, artisti ka njoftuar se në janar të vitit 2026 do t’i rikthehet muzikës dhe skenës, për të qenë sërish pranë fansave të tij.
“Përshëndetje krejtve shpresoj që jeni mirë, u bë një kohë që nuk jemi parë për këtë po dua t’iu falënderoj secilin prej juve që më keni ndenjur afër mua dhe familjes time në këtë periudhë shumë të vështirë.
Për mua ka qenë e rëndësishme që në këtë kohë me ndejt larg rrjeteve sociale, me u marr më shumë me veten dhe familjen time.
Sidoqoftë, iu kam pasur në mendje dhe zemër siç më keni pasur ju mua. Po e shfrytëzoj rastin me këtë video me ia uru Vitin e Ri të gjithëve, ishalla e keni shëndetin, lumturinë edhe familjen, se të tjerat bëhen.
Si përfundim desha të iu tregoj se në vitin 2026, në janar, kthehem në muzikë aty ku e kam vendin. Kështu që ju dua, faleminderit shumë”, shprehet ai.
