Nën dritat e skenës së “X Factor Kids”, Pirro Çako shfaqet jo vetëm si mentor i talentëve të rinj, por edhe si një baba dhe djalë që bart kujtime të thella…, në një periudhe të vështirë pas humbjes së nënës.
Në debutimin e netëve live, Çako nuk mundi të fshihte emocionet kur rrëfeu për dëshirën që e ëma kishte të ishte aty për të parë këtë moment.
Alketa Vejsiu: Je i lumtur që je pjesë e këtij paneli?
Pirro Çako: Patjetër që jam i lumtur. Është një eksperiencë e jashtëzakonshme për mua dhe e kisha të nevojshme që të isha në një aktivitet të tillë pas një periudhë të vështirë do të thoja që kam kaluar këto muaj. Do të doja shumë që mamaja ime të shihte këtë sonte, ishte një nga dëshirat e saj, por nuk mundi dot. Gjithsesi ajo na shikon nga lart edhe na jep forcë edhe na mbron.
Alketa Vejsiu: Gjithmonë kam menduar që kjo puna ne na shpëton në një farë mënyre në një farë mënyre, siç na bën që të paguajmë çmime shumë të larta të famës, ashtu na bën që të shpëtojmë kur kemi plagë, sepse ne këtu jemi në një univers që na shëron.
Pirro Çako: Patjetër! E kemi këtë avantazh.
