Empoli dhe Torino luajtën mbrëmjen e djeshme ndeshjen e vlefshme për javën e 16-të të Serie A. Sfida e zhvilluar në stadiumin “Carlo Castellani”, përfundoi 0-1 në favor të torinezëve.
Një gol në këtë ndeshje e shënoi edhe Ardian Ismajli në minutën e 16-të. Ai ia doli që të mposhte portierin serb, Vanja Milinkovic-Savic edhe pse më pas goli u anulua për një faull ndaj këtij të fundit.
Megjithatë mediat italiane nuk e lanë pa vënë re këtë moment, duke e “kryqëzuar” serbin për momentin e golit. Ata shohin pikërisht Vanja Milinkovic-Savic si shkakun kryesor në golin e pësuar.
“Dalje e dobët kundër Ardian Ismajlit, veprim i gabuar i tij”, shkruajnë mediat italiane për Milinkovic-Savic. Por, më tej në mediat “azurre” tregohet si portieri ballkanas e mbajti portën e paprekur.
