Të afërmit e viktimave të tragjedisë së zjarrit në klubin e natës në Koçan, Maqedoni, janë mbledhur gjatë gjithë ditës përpara spitaleve dhe zyrave të qytetit, duke kërkuar me dëshpërim më shumë informacion nga autoritetet për fatin e të dashurve të tyre.
Një nga ata është Dragi Stojanov, banor lokal, i cili u njoftua se djali i tij 21-vjeçar, Tomçe, ishte mes 59 personave që humbën jetën në tragjedinë e rëndë.
“Ai ishte i etmi fëmijë që kisha. Nuk më duhet më jeta… 150 familje janë shkatërruar. Fëmijë të djegur… Ka vetëm trupa, thjesht trupa brenda klubitv”, tha Stojanov, i cili po përjeton një dhimbje të paimagjinueshme pas humbjes së djalit të tij.
Tragjedia ka tronditur të gjithë qytetin dhe ka lënë pas një gjurmë të thellë dhimbjeje për familjet e viktimave. Të afërmit vazhdojnë të presin informacionin nga autoritetet për zbardhjen e plotë të ngjarjes.
