Aplikacionet Facebook, Instagram, WhatsApp dhe Messenger i kanë rikthyer normalitetit pas më shumë se shtatë orësh ndërprerje të funksionalitetit të tyre. Vetë Mark Zuckerberg, CEO i Facebook ka kërkuar ndjesë për ndërprerjen dhe mosfunksionimin e përkohshëm të aplikacioneve.
Në një postim në profilin e tij në Facebook, Zuckerberg shkruan se e kupton se përmes këtyre shërbimeve njerëzit komunikojnë dhe qëndrojnë pranë njëri-tjetrit.
“Facebook, Instagram, WhatsApp dhe Messenger po kthehen në internet tani. Na falni për ndërprerjen sot – e di se sa mbështeteni në shërbimet tona për të qëndruar të lidhur me njerëzit për të cilët kujdeseni,”- shkruan Zuckerberg.
Por postimi i Zuckerberg u prit me një valë kritikash.
Një përdorues, akuzoi Zuckerberg për arrogancë, duke thënë: ‘Ju lutemi mos e bëni veten më të rëndësishëm se sa jeni. “Zbrisni nga kali juaj i lartë.”
Një person tjetër tha se ata ishin mbështetur në platformat e tyre për punë dhe ishin zemëruar me faljen e tij.
Një i tretë e përqeshi Zuckerberg për falje në një mënyrë që dukej se nënkuptonte se bota kishte nevojë për të.
Prej më shumë se 7 orësh rrjetet sociale të platformës Facebook janë bllokuar. Sipas DownDetector, problemet për Facebook, Whatsapp dhe Instagram filluan rreth orës 16:44 të ditës së kaluar duke prekur ndjesësit në rang global. Për 7 orë që Facebook nuk u përdor, pasuria personale e Mark Zuckerberg ka rënë me gati 7 miliardë dollarë në pak orë, ndërsa kompania e tij ka shënuar rënien më të madhe në bursë që prej vitit 2020, në më shumë se 5%.
g.kosovari
