Athina dhe Selaniku kanë dhënë surpriza në zgjedhjet lokale në Greqi. Grekët votuan për ndryshimin e kryebashkiakëve në balotazhin e qeverisë lokale të së dielës në Greqi, me kandidatët e mbështetur nga konservatorët në pushtet që humbën ndaj të pavarurve ose kandidatët e mbështetur nga partitë opozitare.
Kur u numëruan më shumë se 95% e votave për bashkinë e Athinës, fitues u shpall Haris Doukas, i mbështetur nga PASOK. Ai mori rreth 55.9% kundrejt 44.01% të kryetarit aktual, Kostas Bakoyanis të “Demokracisë së Re” të kryeministrit Kyriakos Mitsotakis.
Në Selanik kryeson opozita Stelios Angeloudis me 67,34% të votave ndaj kryebashkiakut në detyrë Konstantinos Zervas (32,96%), ndërsa janë numëruar 98%.
Nipi i kryeministrit Mitsotakis, Kostandin Bakoyanis, kryebashkiaku i Athinës dhe ai i Selanikut, Zervas, ndodheshin në Himarë ku zhvilluan një tubim për lirimin e Fred Belerit.
“Suksese në jetë” ka qenë “urimi” i deputetit Erion Braçe për dy kryebashkiakët, Kostas dhe Zervas, të cilët kanë humbur në zgjedhjet e fundit.
“Çmenduri elektorale”, e ka cilësuar socialisti ardhjen e tyre në Himarë për të bërë fushatë.
Sakaq, Braçe ka dhe një sugjerim’ për ta, të vijojnë fushatën e presionit mbi drejtësinë shqiptare për lirimin e Fredi Belerit.
Erion Braçe: SUKSESE NE JETE PER ME TEJ, qirje KOSTAS!
SUKSESE NE JETE PER ME TEJ, qirje ZERVAS!
#ATHINA dhe #SELANIKU PERMBYSIN, FITOJNE TE MAJTET!
As do ishte lajm-zgjedhje vendore ishin keto ne #GREQI; per ne shqiptaret them; Por te dy ngaterruan fushaten;
Ne mes te PUSHIMEVE TE VERES dhe NE KULM TE SEZONIT TURISTIK, erdhen ne Himaren tone dhe bene fushate per te fituar zgjedhjet ne bashkite Athine e Selanik; CMENDURI ELEKTORALE E POLITIKE!
Sot humben thelle qe te dy! Si ishte ajo shprehja; EDI RAMA NUK E DI SE ME KE ESHTE NGATERRUAR?!
Keshtu? Qarte, qarte! Nga sot, kam dy lutje per te dy:
E para, te vijoni fushaten e presionit mbi DREJTESINE SHQIPTARE per te liruar ALfred BELERIN; nuk ben ta lini;
E dyta, ejani perseri gushtin tjeter, per plazh-natyrisht, tani keni kohe boll!/m.j
