Një spital në Lviv ka ndarë historinë e një vajze 11-vjeçare dhe nënës së saj, të cilat thotë se humbën këmbët pas një sulmi me raketa në stacionin hekurudhor Kramatorsk në prill.
Ndërsa prisnin trenin e tyre, të dyja shkuan në platformë për të marrë çaj, ndërsa vëllai binjak i Yana-s, Yaroslav, shikonte valixhet e tyre, sipas një postimi në Facebook nga Spitali i Fëmijëve Shën Nikolla në Lviv.
Natalia ende nuk mund t’ia falë vetes vendimin për të marrë çaj, thuhet në postim.
Në një video-intervistë me organizatën United for Ukraine, Natalia thotë se nuk e mban mend zhurmën e shpërthimit, por kujton se ka hapur sytë dhe pa se gjithçka ishte e mbuluar me gjak.
Kishte njerëz të shtrirë kudo.
Ajo i tha organizatës se u përpoq të ngrihej, por nuk mundi, dhe më pas pa Yana-n dhe kuptoi se këmbët e saj nuk ishin aty.
Natalia kishte humbur njërën nga këmbët; Yana i kishte humbur të dyja.
Spitali thotë se është duke u kujdesur për ta prej disa javësh dhe ata përfundimisht do të shkojnë në SHBA për trajtim të mëtejshëm.
Nga sulmi mbetën të vrarë 50 persona.
Rusia dhe Ukraina kanë fajësuar njëra-tjetrën për sulmin.
