Humb zërin pas operacionit kërkon drejtësi,e fusin në burg: Shtet k….

Suzana Skeja është gruaja me histori të trishtë, që ka shkaktuar jo pak revolta dhe indinjata publike. Vajza ka humbur zërin gjatë një operacioni për tiroidet të kryer në vendin tonë dhe prej kohësh ka kërkuar që ‘drejtësia të shkojë në vend dhe përgjegjësit për fatkeqësinë e saj të vihen përpara ligjit’.

Suzana kreu ndërhyrjen në nëntor të vitit 2010, pasi u konsultua me mjekun përgjegjës në QSUT. Pas operacionit zëri i saj ishte larguar pothuajse plotësisht, ndërsa shenja post-operative ishte shumë e madhe për një ndërhyrje të tillë.

Ajo fajëson gjendjen e zërit të saj për statusin që mban sot si një e papunë, ndërsa pohon të ketë pësuar një lodhje të madhe psikologjike. Disa vite më parë Suzana hapi një padi kundër QSUT dhe disa klinikave private që operojnë në Tiranë, të cilat, sipas saj, gjykata i ka favorizuar.

Skeja ka kërkuar ndihmë në disa institucione, por duket se end enuk ka marrë një përgjigje konkrete për shqetësimin e saj. Ditën e sotme Suzana e ka çuar luftën e saj në Facebook, si i vetmi vend ku mund t’i dëgjohet zëri.

“Shtet kurv doktorara kasape gjyqtare te korruptuar……..nuk ka fakte qe zeri ka ik nga operacioni“,- ka shkruar ajo disa orë më parë në llogarinë e saj, ndërsa pak më vonë shënoi vendndodhjen e saj në Komisariatin nr. 1 në Tiranë.

Ndërkohë shumë personazhe publikë janë solidarizuar me Suzanën dhe historinë e saj tronditëse dhe kanë kërkuar lirimin e saj të menjëhershëm. Ka humbur mjaftueshëm.