E lindur në Shtetet e Bashkuara, në Miçigan për të qenë më të saktë, por e rritur në Arabi Saudite që dy vjeç. Myslimane me baba indian e mama pakistaneze, të dy mësues e akademikë. Quhet Huma Abedin, e lindur në vitin 1976 dhe prej vitesh është një nga bashkëpunëtoret më të afërta të Hillari Klinton.
Me Hilarin
Imazhet e para të Huma-s në krah të kandidates demokrate për presidencën e Shteteve të Bashkuara datojnë në vitet 2000, por bashkëpunonte me stafin e Klinton edhe më parë, në kohën kur ajo ishte Zonjë e Parë. Ishte 19 vjeç atëherë dhe studionte akoma në Universitetin Xhorxh Uashington. Qysh atëherë ka mbetur hije e Hilari Klinton. Sot është një nga personat më të afërt të saj, aq e afërt sa mund të hyjë pa trokitur në dhomën e saj të gjumit. Flet gjuhën angleze, urdu dhe arabisht. Në vitin 2010 revista TIME e ka përfshirë emrin e saj në mesin e 40 njerëzve nën moshën 40-vjeçare më me ndikim në politikë.
E-maili
Emri i saj është dëgjuar më shpesh kohët e fundit, pas skandalit me email-et e dërguara nga Klinton nëpërmjet një serveri privat. Faktet datojnë që kur Hillari ishte sekretare e shtetit, gjatë mandatit të parë të Obamës. Departamenti i Drejtësisë dhe FBI-ja po hetojnë për të zbuluar ka pasur një shkelje ligji mbi menaxhimin e dokumentave konfidenciale. Klinton dha një kopje të të dhënave të serverit, nën postën clinton.com nga ku u nisën dhe email-et që ajo thotë se nuk përmbanin dokemnta sekrete. Çfarë hyn këtu Abedin? Edhe posta elektronike e bashkëpunëtorëve u kontrollua, ishin mbi 30 mijë dhe shumica nga Abedin.
Sa afër janë me njëra-tjetrën?
Disa të mirëinformuar, përfshi edhe Neë York Times, e përcaktojnë si një “vajza jo ligjore” e Hilarit, ndërsa revista Vogue e përshkruan si “arma sekrete” e Hillarit. Sigurisht, nuk mungon asnjëherë në udhëtimet jashtë vendit të zonjës Klinton, e cila e ka mbrojtur haptazi ndaj akuzave kundër saj për të kaluarën në Arabi. Besimi duket të jetë reciprok dhe pa kushte mes tyre. Ndër shumë email-e të zbuluara nga gazetat amerikane, bie në sy ajo ku Hillari i përgjigjet pyetjes së Abedin, për gjetjen e mënyrës për ta takuar sa më shpejt: “Hajde në dhomën e gjumit, nëse është e mbyllur, trokit”. Natyrisht që Klintonët ishin prezentë në martesën e Huma-s me deputetin demokrat Anthony Ëeiner, kandidat për vendin e kryebashkiakut në Nju Jork, me të cilin ka një djalë. Bashkëshorti i saj u bë pjesë e një skandali me foto provokative në Twitter. Duke folur në ceremoni, ish-sekretarja e shtetit thotë: “Kam një vajzë të vetme, por nëse do të kisha dy do të ishte Huma”.
Fushata zgjedhore
Huma merr pjesë në fushatat elektorale si zv/menaxhere dhe merret gjithashtu edhe me mbledhjen e fondeve. Mbetet asistentja personale e Klinton. Ka shumë dyshime nga kundërshtarët politikë, të cilët e kanë akuzuar në të kaluarën për konflikt interesi, sepse ajo ishte pjesë e stafit të Klinton në Departamentin e Shtetit, por kishte një kontratë që e lejonte të bënte pagesa edhe privatisht. Edhe familja e saj është e feja u vunë nën akuzë nga anëtarë të partisë republikane nëpërmjet një letre që ajo ishte e lidhur me Vëllazërinë Myslimane.
