Huawei zbuloi një variant të ri të telefonit inteligjent Honor 7. I quajtur Honor 7 Enhanced Edition, telefoni ndryshon nga modeli standard në dy aspekte: ai ka 32GB hapësirë të brendshme dhe operon me sistemin Android 6.0 Marshmallow, ndryshe nga Honor 7 që ka 16/64GB hapësirë të brendshme, dhe operon me sistemin Android 5.0 Lollipop.
Veçoritë e tjera janë të njëjta, si ekrani 5.2 inç FullHD, procesori Kirin 935, 3GB RAM, kamera e pasme 20 megapikselë dhe kamera ballore 8 megapikselë. Ai fuqizohet nga një bateri me kapacitet 3,100mAh dhe përmban një sensor për gjurmët e gishtave.
Varianti i ri ofrohet vetëm në ngjyrë gold. Honor 7 Enhanced Edition kushton 310 dollarë, ndryshe nga Honor 7 që shitet për 278 dollarë.
