Për Huawei P9 – i cili do të zbulohet pasnesër, më 6 prill – është përfolur shumë dhe është janë publikuar fotografitë e ndryshme në të cilat është parë pamja e tij reale. Tani, është shfaqur një fotografi e re, e cila duket sikur të ishte zyrtare. Në këtë fotografi është e paraqitur vetëm pjesa e pasme e këtij smartfoni.
Në këtë fotografi, në mënyrë të qartë, shihen dy kamera të cilat tashmë janë konfirmuar nga kjo kompani kineze, si dhe skaneri për gjurmë të gishtave, transmeton Koha.net. Kjo fotografi, gjithashtu rikonfirmon se telefoni do të vijë me kamerën e cila është zhvilluar në bashkëpunim me kompaninë gjermane të kamerave, Leica.
Sa i përket specifikave, Huawei P9 pritet të vijë me ekran 5.2-inç me rezolucion prej 1080 pikselë, procesorin Kirin 950 SoC, 3 gigabajt RAM memorie dhe 32 gigabajt memorie të brendshme.
Gjithashtu do të vijë edhe me kamerën e përparme prej 5 megapikselë dhe dy kamera në pjesën e pasme prej prej 12 megapikselë me mbështetje për OIS, si dhe me baterinë prej 3 mijë mAh, referon Express.
