Ministri i Punëve të Jashtme, Enver Hoxhaj, konfirmoi sot marrjen e notës origjinale të njohjes së Kosovës nga Bangladeshi.
“Kjo është nota origjinale e njohjes nga Bangladeshi, e cila i është dorëzuar misionit tonë diplomatik në Washington. Nga dje është vendosur në arkivin e Ministrisë së Jashtme mes 113 letrave të tjera të njohjeve”, shkruan Hoxhaj në profilin e tij zyrtar në rrjetin social Facebook.
Bangladeshi e njohu pavarësinë e Kosovës në 27 shkurt 2017. Kosova ka arritur 114 njohje nga shtetet anëtare të OKB për pavarësinë e shpallur para 9 viteve në 17 shkurt 2008.
