Në studion e RTSH 24 , Zenel Hoxha nga Dhoma Britanike e Tregtisë komentoi vizitën e një ditë më parë të Sekretarit të Jashtëm të Britanisë së Madhe, David Kameron (Cameron), në Tiranë.
Hoxha tha se kjo vizitë edhe pse e shkurtër në kohë do të mbahet mend pasi ka një impakt shumë të madh për vendin.
“Vizita e Kameron do të mbahet mend si ngjarje. Ai u prit në mënyrë madhështore megjithëse shumë e shkurtër, por me një impakt shumë të madh. Gjatë bisedimeve mes Ramës dhe Kameron u shkëmbyen mjaft mendime sa i përket marrëdhënieve, investimeve në Britani.
Ishte një ditë e shënuar pasi Britania e Madhe do të marrë pjese në implementimin do të marrë pjesë në e projektit madhor si ajo e linjës hekurudhore Durrës- Prishtinë e cila do ketë një efekt jashtëzakonshme mes vendeve por edhe rajonit. Britania E madhe do të jetë edhe investatore”, tha Hoxha.
Hoxha komentoi edhe takimin që kryeministri Edi Rama do të zhvillojë me diasporën në Britaninë e Madhe ndërsa e konsideroi një nismë të mirë që vlen edhe për kryeministrin por edhe për popullin atje.
“Është mirë që Rama të zhvilloje takime me komunitetin në botë, një nismë e mirë. Takimi është dyanshëm, vlen edhe për Ramën edhe për qytetarët. Migrimi me varka krijoi një përshtypje jo të mirë për shqiptarët. Pikërisht ky takim do të luaj roj edhe në impaktin e migrimit me varka”, tha ai.
Hoxha vlerësoi marrëdhënien ekoniimike mes vendit tonë dhe Britanisë së Madhe.
“Shqipëria dhe Britania hynë në një marrëdhënie tjetër. Komuniteti shqiptarë është më i riu, por më i integruar në atë vend. Kemi të rinj që po shkëlqejnë, kemi të punësuar në institucione të rëndësishme të vendit. Komuniteti s’ka nevojë për mbështejë pasi në momentin që futesh atje gëzon të drejt autoktone. Leku i parë që është fituar në Britani është hedhur në Shqipëri duke bërë që remitancat të qarkullojnë”, tha Hoxha./m.j
