Ish-presidenti i rrëzuar i Egjiptit, Hosni Mubarak ka vdekur në moshën 91 vjeçare në një spital në Kajro, tha televizioni shtetëror të martën, një javë pasi iu nënshtrua një operacioni.
Mubarak qeverisi Egjiptin për 30 vjet deri sa u rrëzua pas protestave masive kundër sundimit të tij në 2011. Ai u burgos me vite pas kryengritjes, por u la i lirë në 2017 pasi u lirua nga shumica e akuzave.
Pasardhësi i zgjedhur në mënyrë demokratike pas epokës Mubarak, Mohamed Morsi, u rrëzua në një grusht shteti ushtarak të mbështetur gjerësisht në 2013 . Shumë shohin jehonë të stilit të udhëheqjes së Mubarak në liderin aktual të Egjiptit, ish gjeneralin Abdel Fatah al-Sisi.
Mubarak ishte i pari nga udhëheqësit që u rrëzua në një valë kryengritjesh arabe për t’u përballur me gjykatën. Në skenat që mahnitën egjiptianët, ai u shfaq në një kafaz gjatë gjyqit me një sërë akuza që rëndonin ndaj tij.
Ai u lirua nga gjykata e lartë e apelit në Egjipt në Mars 2017 pas akuzave për komplot për të vrarë protestuesit në gjykimin e formës së prerë në një çështje që zgjati mbi 4 vjet dhe në vendimin e parë ai u dënua me burgim të përjetshëm në vitin 2012 për vdekjen e 239 personave në protesta kundër sundimit të tij. Një akuzë e veçantë për korrupsion u rrëzua në janar 2015, shkruan “The Guardian”.
Njeriu i fortë u shfaq shpesh në gjendje të dobët gjatë paraqitjeve të tij gjyqësore, duke marrë pjesë në një barelë dhe mbante syze dielli të errëta./ Javanews
g.kosovari
