Një kafkë e dekompozuar njeriu u gjet gjatë ditës së djeshme në fshatin Romës, nga një banor i zonës. Policia e Vlorës e cila nisi menjëherë hetimet, gjatë ditës së sotme rreth 40 metra larg vendit ku u gjet kafka, ka zbuluar edhe gjymtyrët e poshtme (këmbët dhe pjesë të legenit).
Këto pjesë të skeletit u gjet tek “Përroi i Mollës”, në një zonë të pyllëzuar dhe dyshimet e policisë janë se i përkasin të njëjtit trup. Megjithatë do të jetë ekspertiza ajo që do të hedhë dritë mbi ngjarjen.
Blutë e qytetit të Vlorës janë duke vazhduar veprimet hetimore në lidhje me zbardhjen dhe dokumentimin e ngjarjes. Hetimet pritet të identifikojnë edhe viktimën.
Deshmia
Saimir Hoxhaj është person i parë që konstatoi kokën e prerë. Ai ka treguar se ishte duke shkuar tek ullinjtë që ka mbjellë, dhe fillimisht ka menduar se bëhej fjalë për ndonjë kokë kafshe. Pasi është afruar ai ka konstatuar faktin tragjik, se bëhej fjalë për një kafkë njeriu. Sipas dëshmisë së tij, kafka i kishte ende gjak dhe ishte pa flokë (tullac).”Nuk kishte dhëmbët e larta në gojë”, – është shprehur ai.
Mbetet ende i mistershëm identiteti i tij, pasi në zonë nuk ka asnjë person të zhdukur./b.d
