“Talibanët i prenë kokën njërës prej lojtareve të mia”. Ankesa u inicua nga trajneri, tani, për fat të keq, gjithçka konfirmohet: në fillim të tetorit Mahjabin Hakimi iu pre koka nga talebanët, të cilët pas vrasjes së tmerrshme postuan gjithashtu disa fotografi të kokës së prerë të volejbollistes në rrjetet sociale.
Trajnerja Suraya Afzali foli për Persian Independent, gazetën kryesore në Lindjen e Mesme, duke shtuar se: “Çdo sportiste tani duhet të jetojë me frikë.
Të gjithë të detyruar të ikin ose të fshihen. Vetëm dy kanë arritur të arratisen jashtë vendit dhe përpjekjet për të ndihmuar nga vende dhe organizata ndërkombëtare nuk kanë qenë të suksesshme”.
Talibanët e konsiderojnë të papërshtatshme që femrat të luajnë sport, sepse duke vepruar kështu “ata mund të gjenden në situata kur fytyrat dhe trupat e tyre nuk janë të mbuluara”, tha zëdhënësi i komisionit të qeverisë së përkohshme Ahmadullah ëasiq.
Lajmi për vrasjen e volejbollistes ka dalë tani për shkak se talebanët kanë ndaluar edhe familjen e viktimës, duke i detyruar të heshtin. Por kur fotot e kokës së Hakimit u publikuan në rrjetet sociale, trajnerja vendosi të fliste: “Lojtaret dogjën edhe uniformat për të shpëtuar jetën e tyre dhe të familjeve”./m.j
