Dashi
Ditë e turbullt dhe e mbushur me mosmarrëveshje kjo e sotmja për ata që janë në një lidhje. Kokëfortësia dhe inati që do keni mund t’iu çojnë edhe në probleme serioze. Beqarët do kenë takime interesante, por nuk do jenë gati t’iu japin një përgjigje personave që do iu propozojnë. Financat fatmirësisht nuk do jenë problematike.
Demi
Ka shumë gjasa të kaloni një krizë të rëndë në jetën tuaj në çift sot dhe kjo do iu mërzitë pa masë. Nëse vazhdoni të mos e toleroni aspak partnerin/en tuaj do përballeni me probleme serioze. Beqarët edhe pse do kërkojnë kudo personin ideal nuk kanë për ta arritur. Financat nuk do jenë në gjendjen më të mirë, kujdes me shpenzimet.
Binjakët
Mjedisi yjor do favorizojë një klime të ngrohtë dhe të këndshme për ata që janë në një lidhje. Do bashkëpunoni gjithë kohës me atë që keni në krah. As beqarët nuk do kenë komplekse dhe do përfitojnë nga çdo ftesë që do iu bëhet. Në planin financiar duhet të tregoheni paksa më të organizuar.
Gaforrja
Ditë mjaft premtuese kjo e sotmja për ata që janë në një lidhje. Nuk do i mbani më asnjë inat personit që keni në krah dhe do jeni më optimistë për të ardhmen. Beqarët nuk duhet të luajnë shumë me zjarrin sepse do digjen keq. Financat do ndikohen pozitivisht nga Saturni. Mos hezitoni të hiqni ndonjë para mënjanë.
Luani
Duhet të bëni ende shumë përpjekje gjatë kësaj dite për të vendosur qëndrueshmërinë në jetën tuaj sentimentale. Mos e kritikoni në çdo moment partnerin/en dhe mos i vini në pah pikat e dobët. Beqarët do argëtohen mjaft me miqtë e tyre të ngushte dhe nuk do mendojnë aspak për dashurinë. Financat nuk do jenë shumë të mira, kujdes me shpenzimet.
Virgjëresha
Jeta sentimentale e çifteve do jetë e mbushur me momente të zjarrta dhe mjaft interesante sot. Do flisni për gjithçka me partnerin/en dhe nuk do i mbani asnjë të fshehtë. Beqarët nuk duhet të dëshpërohen nëse nuk e gjejnë personin ideal sepse çdo gjë ndodh për një arsye. Në planin financiar do kryeni transaksione të rëndësishme të cilat shumë shpejt do e përmirësojnë situatën.
Peshorja
Do jeni mjaft sensualë dhe sharmantë gjatë kësaj dite. Partneri/ja do ndihet me fat që iu ka juve në krah dhe do mundohet t’ua plotësojë të gjitha dëshirat e zjarrta. Beqarët do gjenden përballë disa zgjedhjeve të vështira dhe do iu duhet kohë për të vendosur. Në planin financiar do përballeni me disa probleme.
Akrepi
Sektori i dashurisë do jetë përgjithësisht i qëndrueshëm gjatë kësaj dite. Do kuptoheni më së miri me atë që keni në krah dhe do e zgjidhni në moment çdo problem që t’iu dalë. Për ata që janë vetëm priten takime, por do varet nga ata nëse do fillojnë apo jo një lidhje. Financat do jenë më të mira sesa mendoheshin prandaj mund të kryeni edhe ndonjë transaksion më tepër.
Shigjetari
Ka shumë gjasa që personat që janë në çift të arrijnë qiellin e shtatë gjatë kësaj dite. Surprizat e partnerit/es do jenë të shumta dhe emocionet gjithashtu do jenë të njëpasnjëshme. Beqarët do jenë të shoqërueshëm dhe mjaft të sjellshëm me të gjithë. Kjo do tërheqë vëmendjen e disa personave. Financat do jenë të qëndrueshme.
Bricjapi
Ata që janë në një lidhje do jenë më të përkushtuar ndaj personit që kanë në krah dhe do ia plotësojnë atij të gjitha dëshirat. Marrëdhënia mes jush do jetë edhe më e ngrohtë. Beqarët do kenë një nga takimet më të bukura të jetës së tyre. Në planin financiar do filloni operacione të rëndësishme në mënyrë që ta stabilizoni situatën.
Ujori
Jeta juaj në çift do jetë mjaft e mbrojtur gjatë kësaj dite. Do bashkëpunoni fort me atë që keni në krah dhe çdo gjë do shkojë sipas parashikimeve. Beqarët duhet ta lënë veten të udhëhiqen nga ndjenjat dhe do e shohin që do ndihen më të plotësuar. Në planin financiar nuk duhet ta teproni me shpenzimet nëse nuk doni të keni probleme.
Peshqit
Të gjithë ata që kanë kaluar një periudhë të vështirë në jetën sentimentale, sot do jenë më optimistë mbi të ardhmen. Toleranca dhe mirëkuptimi do mbizotërojë gjithë kohës. Beqarët edhe pse do kenë mundësi të shumta për takime nuk do duan ta sakrifikojnë lirinë e tyre. Në planin financiar do mendoheni mirë para se te hidhni çdo lloj hapi.
