Dashi
Do të keni çështje shumë të rëndësishme me të cilat do të merreni sot dhe do ta kaloni në plan të dytë jetën tuaj në çift. Beqarët nuk duhet të ecin me plane sepse në dashuri ata janë më të prirurit për surpriza. Financat do të jenë më të qëndrueshme kështu që mund t’i lejoni vetes ndonjë shpenzim me tepër.
Demi
Jeta sentimentale e çifteve do të jetë përgjithësisht e mbrojtur sot. Nuk ka për te ndodhur asgjë e keqe as për ata që së fundmi kanë pasur probleme e vështirësi. Beqaret nuk do të jenë në humorin e duhur për të filluar një lidhje. Financat do të vazhdojnë të mbeten gjithë kohës te ekuilibruara. Nuk priten aspak probleme e vështirësi.
Binjaket
Sot do t’ju duket sikur do të rilindni të gjithë ju Binjakëve që jeni në një lidhje. Gjithçka do të jetë më e bukur se më parë dhe emocionet do të shumëfishohen. Beqaret duhet ende të presin disa kohë. Financat duhet t’i menaxhoni me qetësi e maturi. Nxitimi mund t’iu çojë drejt gabimeve fatale.
Gaforrja
Furtuna dhe ciklone do të ketë gjatë kësaj dite në jetën tuaj në çift. Asgjë nuk ka për të ecur ashtu si keni ëndërruar dhe do të ndiheni shume keq. Beqaret do të bëjnë më mirë të mos hedhin hapa të nxituara. Në planin financiar duhet ta shtrëngoni paksa rripin nëse doni qe situata të mbetet e qëndrueshme.
Luani
Nuk do të keni aspak dëshirë te bëni tolerime sot ju të dashuruarit, gjë që mund ta përkeqësojë akoma më tepër jetën tuaj në çift. Në planin financiar do të keni goxha vështirësi, por falë përkujdesit dhe mënyrës së të menaxhuarit gjërat do të vijnë duke u përmirësuar.
Virgjeresha
Sot do të jetë një ditë e vështirë dhe e mbushur me mosmarrëveshje të shumta, Merrini gjërat me qetësi dhe mos e ndërprisni për asnjë moment komunikimin në çift, ndryshe disa situate mund të keqkuptohen. Financat do të vazhdojnë të mbeten të turbullta prandaj duhet të bëni shumë kujdes me shpenzimet që do të kryeni.
Peshorja
Do të keni disa dyshime sot për partnerin. Mos u mundoni ta kontrolloni atë në çdo moment, por flisni hapur dhe pa dorashka. Yjet do të kenë ndikim të madh tek sektori i financave dhe gjendja do të jetë shumë herë më e mire se më parë. Edhe sakrificat e bëra do të japin rezultate.
Akrepi
Dielli do të jetë planeti që do ta ndriçoje sot jetën tuaj në çift dhe do të sjellë veç të mira. Do të ndiheni mirë pranë atij që dashuroni dhe do të jeni gati të bëni çdo sakrificë që do t’ju kërkohet. Në planin financiar fati do të jetë gjithë kohës në anën tuaj. Do të hiqni edhe disa para mënjanë.
Shigjetari
kjo është një ditë tejet e paqëndrueshme e sidomos për ata qe janë në një lidhje. Nuk do të arrini t’i zgjidhni as sot problemet qe keni pasur dhe situata do të mbetet e trazuar. Në planin financiar rekomandohet maturi. Nëse keni nevojë kërkoni edhe ndihme nga familjaret.
Bricjapi
Ata që janë në një lidhje do të kenë një ditë mjaft të qëndrueshme dhe here pas here të mbushur me emocione. Do të ndiheni mirë dhe të plotësuar. Beqaret do të bëjnë atë që do t’u thotë zemra. Në planin financiar do të mbizotërojë gjithë kohës ekuilibri. Do ta dini sa para të shpenzoni dhe sa të hiqni mënjanë.
Ujori
Sot gjithçka ka për të ecur ashtu si e keni dëshiruar gjithmonë. Beqaret do të fiksohen pas një personi dhe do të bëjnë të pamundurën për ta tërhequr atë pas vetes. Financat për ata që i përkasin shenjës së Ujorit do të kenë goxha përmirësime falë një dëmshpërblimi që do të merrni në punë. Do të jeni të qetë.
Peshqit
Ditë e furishme kjo e sotmja për ata që janë në një lidhje. Mund të dashuroheni plot pasion me partnerin ose mund të debatoni ashpër me të për disa tema delikate. Në planin financiar çdo gjë do të shkojë si e keni dëshiruar. Do të keni më shumë para nëpër duar dhe do të bëni edhe ndonjë shpenzim më shumë.
