Hoqi 16 dhëmbë njëherësh, ndërron jetë 46-vjeçarja. Ngjarja e rëndë ka ndodhur në Miçigan të Shteteve të Bashkuara të Amerikës. Sipas mediave ndërkombëtare, April Walters vuante nga një infeksion, si pasojë e të cilit është detyruar që të hiqte 18 dhëmbë.
Po sipas këtyre burimeve, dentistja Dr. Rana Rabban kishte mundur t’i hiqte vetëm 16, ndërsa dy të tjerët i kishte lënë për një seancë tjetër.
Shkak i ndërprerjes së seancës ishte numri i lartë i rrahjeve të zemrës, 130 në minutë. Dentistja i tha të shkonte më parë te mjeku për të ulur aritminë.
Fill pasi ka dalë nga klinika stomatologjike, gruaja e cila ndihmohej nga gypat e oksigjenit, nuk ishte ndjerë mirë dhe kishte humbur ndjenjat. Ndonëse motra e saj tentoi ta shpëtonte, April ka gjetur vdekjen.
Mësohet se 46-vjeçarja vuante nga problemet me qarkullimin e gjakut dhe frymëmarrjes, madje dhe nga diabeti dhe sëmundje të mushkërive.
