Një marrëveshje e dobët mbi Sirinë, për shkak të një qëndrimi të dobët të Shteteve të Bashkuara, shkon në dëm të Kosovës si aleate e SHBA-së, thotë James Hooper. Hooper është drejtor menaxhues i Grupit Publik për Politika dhe të Drejtën Ndërkombëtare, ndërsa në një intervistë për Radion Evropa e Lirë, Hooper thotë se marrëveshja e fuqive të mëdha perëndimore për ndaljen e armiqësive dhe për të ofruar ndihmë humanitare në Siri është një marrëveshje e dobët, e cila flet për ndaljen e armiqësive, të cilat do të fillojnë pas një jave dhe flet për ndihma humanitare në qytetet e bllokuara në Siri, rreth 20 prej tyre, të cilat gjenden nën shtetrrethim nga trupat qeveritare të Assadit. Hooper thotë se këto qytete kanë dëshpërimisht nevojë për ushqim, për ndihmë humanitare dhe ilaçe, referon Koha.
“Do të doja të shtoja edhe një gjë: kjo marrëveshje është e dobët, sepse Shtetet e Bashkuara janë të dobëta në veprimet e tyre për të ndalur vrasjet në Siri dhe për ta bërë të mundur arritjen e një marrëveshjeje serioze. Si përfundim, një marrëveshje e dobët mbi Sirinë, për shkak të një qëndrimi të dobët të Shteteve të Bashkuara, shkon në dëm të Kosovës, si aleate e SHBA-së”, thekson Hooper.
