Presidenti i Republikës Ilir Meta ka marrë pjesë në homazhet për nder të nënkomisarit Saimir Hoxha, i cili u vra dje në krye të detyrës nga 21-vjeçari Aldi Rama pas një operacioni kundër trafikimit të kanabisit.
Meta deklaroi se efektivi i policisë nuk e meritonte të ndahej nga jeta nga familjarët, miqë dhe komuniteti.
“Është një moment i dhimbshëm që t’i japim sot lamtumirën e fundit një oficeri hero të Policisë së Shtetit, por edhe një prindi, një familjari të shkëlqyer si n/komisari Saimir Hoxha, që nuk e meritonte të ndahej nga jeta, komuniteti dhe nga familja. Është një moment reflektimi për një luftë frontale kundër krimit të organizuar, por edhe dekurajimin e krimit ordiner, ashtu sikurse është një prioritet lufta çdo sekond kundër trafikut të drogës, kundër atyre të cilët jo vetëm përfitojnë prej saj, por për të shpëtuar sa më shumë të rinj, sa më shumë fëmijë që bien për fat të keq në prehrin e këtij fenomeni shkatërrimtar dhe më pas janë përgjegjës për akte të tilla që trondisin një shoqëri të tërë. Është një luftë që duhet bërë çdo sekond”.
/a.r
