Janë zhvilluar sot homazhet për ndarjen nga jeta të këngëtarit të njohur Tonin Tërshana. Qindra kolegë, miq, të njohur, personalitete të vendit dhe familjarë i dhanë lamtumirën e fundit Tërshanës, i cili u nda nga jeta pak ditë më parë.
I pranishëm në homazhe ishte edhe Kryetari i Bashkisë së Tiranës Erion Veliaj i cili e cilësoi ditën e sotme si një ditë të dhimbshme për një njeri që dhuroi vetëm gëzim.
“Ditë e dhimbshme për një njeri që dhuroi vetëm gëzim. Ndoshta unë jam brezi i fundit i njeriut që dhuroi vetëm gëzim.” u shpreh Veliaj
Këngëtari Tërshana ndërroi jetë moshën 66-vjeçare, pasi vuajti prej kohësh nga një sëmundje e rëndë.
Tërshana ka marrë pjesë në mbi 20 festivale muzikore dhe ka marrë 4 çmime të para. Ai fitoi çmimin e parë kur ishte vetëm 16 vjeç dhe doli nga skena e muzikës shqiptare në moshën 38vjeçare. Edhe pse 30 vite në skenë si këngëtar dhe gati 20 vite duke punuar në emigracion, Tonin Tërshana “mbahej” me pension. Pak ditë më parë ai mori përfitoi një banesë sociale nga Bashkia e Tiranës, të cilën nuk arriti ta gëzonte.
