“Edhe pse ndoshta nuk janë plagosur, shumë persona do të kenë trauma nga ajo që kanë parë”. Kështu është shprehur presidenti francez Françoio Hollande teksa ka falenderuar policinë dhe punonjësit e spitaleve për punën e tyre të palodhur.
Kreu i shtetit tha se e gjithë Franca ndan dhimbjen dhe solidaritetin me familjet e viktimave dhe të dashurit e tyre.
Sipas tij bëhet fjalë për 84 të vdekur dhe 50 të plagosur në gjendje të rëndë, shkaktuar nga sulmi me kamion mbrëmjen e djeshme në Nicë.
Hollande tha se mes viktimave ka shumë fëmijë dhe persona me shtetësi të ndryshme. Ndërkohë, policia dhe mjekët e Francës po punojnë për identifikimin e tyre. (java / r.a)
